کورد نیوز

کورد نیوز:

دابەشکردنى مووچەى مانگى ١٢ى ساڵى رابردوو لەلایەن حکومەتى هەرێمەوە بە سستى بەرێوەدەچیت و دواى نزیکەى دوو هەفتە لە دەستپێکردنى دابەشکردنەکە هێشتا زۆربەى وەزارەت و دەستەکان مووچەیان وەرنەگرتووە.

ئەمڕۆ (شەممە، ١٥ى کانوونى دووەمى ٢٠٢٢) سەرچاوەیەک لە وەزارەتى دارایى و ئابورى هەرێم بە کورد نیوزى راگەیاند "سبەینێ (یەکشەممە) مووچەى وەزارەتى داد و ئەنجومەنى دادوەرى دابەش دەکرێت".

سەرچاوەکە ئاماژەى بەوەش کرد "رۆژى دووشەممەش مووچەی (وەزارەتی ئەوقاف، دیوانی چاودێری دارایی، دەستەی مافی مرۆڤ، ناوچەكانی دەرەوەی هەرێم، دەستەی ژینگە، دەستەی وەبەرهێنان، دەستەی دەستپاكی، كۆمسیۆنی هەڵبژاردن و ڕاپرسی، دەزگای مین) دابەش دەكرێت.

ئەمە لەکاتێکدایە کە حکومەتى عێراق بۆ دابەشکردنى مووچەى مانگى ١٢ى ساڵى ٢٠٢١، پشووى سەرى ساڵى هەڵوەشاندەوە و لە هەرێمى کوردستانیش بەبیانووى پشووەکانى سەرى ساڵەوە دابەشکردنى مووچەى مانگى ١٢ى ساڵى ٢٠٢١ دواخراو لە رۆژى ٢ى کانوونى دووەمى ٢٠٢٢ەوە دەستکرا بە دابەشکردنى مووچەى مانگى ١٢ى ساڵى رابردوو.